MARABILLOSAS BIBLIOTECAS

FONTE: El mundo.es

LECTURAS PARA VACACIÓNS

A Fundación Germán Sánchez Ruipérez facilítanos un listado de lecturas recomendadas para este verán, unha coidada selección que recolle títulos axeitados para todas as idades.
LECTURAS PARA VACACIONES
VERANO 2009

¡¡NESTE VERÁN MERGÚLLATE NA LECTURA!!

Xa temos lista a nosa guía de lecturas para este verán. Seguramente atoparás nela moitos títulos que farán que o verán sexa máis divertido
Aquí tés a primicia:

Se queres podes descargala AQUÍ en formato pdf.

NEGROS E BRANCOS

David McKee é un escritor e ilustrador británico coñecido especialmente por ser o creador da serie ELMER, o elefante de cores inspirado na obra de Paul Klee. Nesta ocasión volven aparecer os elefantes como protagonistas dunha historia de enemizades e pelexas sen outra causa que a diferenza de cor da pel. Unha guerra orixinada por motivos absurdos como absurdas son todas as guerras... Ao final, cando xa todo semellada discurrir polos camiños pacíficos, aparece unha actitude que nos deixa un pouso de preocupación. Un texto axeitado para reivindicar a paz, contra a intolerancia e o racismo, moi apropiado para introducir nas aulas a reflexión arredor da violencia e as súas causas.

BÚSCAO NA BIBLIOTECA!!

QUEN ME QUERE ADOPTAR?

Manuel síntese só. A súa filla vive noutro país, a súa muller morreu hai algún tempo e el emprega as horas lendo “Cando Manuel abría un libro convertíao en bolboreta. Pasaba as follas e agarimaba as súas ás de cores”. Vivía co seu gato Sol pero... unha tarde Manuel non tiña ganas de rir, nin de merendar, nin de regar as plantas... E de pronto tivo unha idea fantástica! Que pensará facer?
Dun xeito maxistral, Fina Casalderrey achega aos cativos o problema de soidade que sufren moitos maiores. A importancia e o valor dos libros e as relacións familiares son outros dos temas que aborda este texto marabilloso, ilustrado por Mª Fe Quesada

Indicado a partir de sete anos

TÉMOLO NA BIBLIOTECA. PÍDEO XA!!

E lembra que, se temos sorte, TODOS chegaremos a vellos...

ORELLAS DE BOLBORETA

ORELLAS DE BOLBORETA
Autora: Luisa Aguilar
Ilustracións: André Neves.
Kalandraka, 2008.

Con frecuencia os nenos atopan motivos de burla en calquera rasgo ou pequena diferencia dos demais. Neste fermoso libro, a súa protagonista, Mara, transforma esas diferencias en algo marabilloso e positivo do que sentirse fachendosa. Ao final decátase de que a diferencia fainos especiais e únicos. Este conto axuda aos máis cativos a aceptarse, poñendo en valor as características que nos diferencian dos demáis, reforzando así a súa personalidade e a súa autoestima. O libro trata sen dramatismos e con naturalidade un tema moi vencellado aos problemas que todos , dun xeito ou doutro, sufrimos na infancia. Esta obra é moi recomendable para sensibilizar contra o acoso escolar nas aulas.
As ilustracións coloristas e vitais de André Neves acompañan a historia da pequena Mara, unha rapaza valente que se acepta a si mesma con alegría.

PÍDEO NA BIBLIOTECA!!

ATA SEMPRE, MARIO

Hoxe recibimos a triste noticia do falecemento do grande escritor uruguayo Mario Benedetti. Vaia dende aquí a nosa homenaxe ao escritor e ao ser humano, exemplo de compromiso, dignidade e honestidade. Grazas, Mario, por todo o que nos deches e por todo o que nos deixas.

Te dejo con tu vida
tu trabajo
tu gente
con tus puestas de sol
y tus amaneceres.

Sembrando tu confianza
te dejo junto al mundo
derrotando imposibles
segura sin seguro.

Te dejo frente al mar
descifrándote sola
sin mi pregunta a ciegas
sin mi respuesta rota.

Te dejo sin mis dudas
pobres y malheridas
sin mis inmadureces
sin mi veteranía.

Pero tampoco creas
a pie juntillas todo
no creas nunca creas
este falso abandono.

Estaré donde menos
lo esperes
por ejemplo
en un árbol añoso
de oscuros cabeceos.

Estaré en un lejano
horizonte sin horas
en la huella del tacto
en tu sombra y mi sombra.

Estaré repartido
en cuatro o cinco pibes
de esos que vos mirás
y enseguida te siguen.

Y ojalá pueda estar
de tu sueño en la red
esperando tus ojos
y mirándote.

MÁIS POEMAS DE MARIO BENEDETTI AQUÍ E AQUÍ

UNHA CHEA DE FAMILIAS

Nestes días chegou á nosa biblioteca un precioso álbum, UNHA CHEA DE FAMILIAS, de X. A. Neira Cruz e ilustrado por Rodrigo Chao. Cun formato grande, unha ilustración suxerente e de grandes volumes, cun texto cheo de naturalidade e sensibilidade sen rozar a "ñoñería", percorremos da man da nena Mariña o edificio onde vive co seu pai, que podería ser calquera edificio de calquera das nosas cidades, aínda que seguramente Mariña reside nunha vila das Rías Baixas: "Desde esa galería pódese ver o mar. E no mar barcos a navegaren. E as illas Cíes aló ó fondo..."

O respecto pola diferenza, a igualdade, a tolerancia, rezuman durante a lectura; a vellez, a enfermidade e a morte trátanse con naturalidade; China, Marrocos, novos, vellos... nun collage perfecto de aceptación dos outros...

En Rede Lectura podes ver unha reseña deste fermoso libro, e un interesante artigo en Praza das Letras que inclúe unha crítica de An Alfaya, comentarios do autor sobre a historia e personaxes e explicacións do ilustrador sobre as técnicas que empregou. Unha lectura moi recomendable, a partir dos 8 anos.

PÍDEO NA NOSA BIBLIOTECA!!